Esperanto-Novaĵoj el Baden-Virtembergo

„Gaja Semajnfino atendas vin ...”

... ĉar ni vizitos interesaĵojn de la Ŝvaba Ĵuraso kaj manĝos ŝvabajn manĝaĵojn kaj parolos ... ne, ne, ne la ŝvaban, sed gajan Esperanton. 

La programo nun estas detale 'elkovita': ni vizitos kastelon Lichtenstein (la ŝvaban modelon de Neuschwanstein, la ĉevalbredejon Marbach kaj la gutŝtonkavernon Bärenhöhle ... kaj ni kaptos la multajn eblecojn apliki, praktiki kaj ampleksigi nian lingvokonon dum vigla interparolado kun niaj francaj amikoj. Pliaj detaloj troviĝas en la aktualigitaj paĝoj pri ĉi-renkontiĝo.

Kaj por elŝuti vi trovas la programon kaj lastajn informojn ĉi-tie.