Esperantistoj el Vogezoj kaj Nigra Arbaro invitas al

Amika Tago
en Paralela Universo

17 Aŭgusto 2019
Neuf-Brisach
10:30 ĉe la turisma oficejo
sur la granda placo

Foje ĉi-flanke de la rivero Rejno, foje aliaflanke, la Amika Tago estas unutaga aranĝo por renkontiĝi kaj babili kaj komune viziti iun belan interesan lokon.

Laŭintence ĝi ĉiam okazu en junio por bone eluzi la longajn somerajn tagojn, sed ĉi-jare ne: ni elektis renkontejon apud Rejno, do, por ĉiuj estas ne tro longa vojo.

Paralela universoTiel ni povis elekti aŭguston, pli precize la 17-an de aŭgusto.
Kaj tiel Amika Tago fariĝas unu aranĝo el multaj en la mondvasta „Paralela Universo”.

Alivorte: vi povas partopreni vere internacian multlokan feston en kaj inter la urboj ...
•   Neuf-Brisach, Herzberg kaj Antverpeno,
•   Austin en Usono, Toronto kaj Viktorio en Kanado,
•   Querétaro kaj Monterrey en Meksiko,
•   Havano en Kubo kaj
•   Seulo en Koreio

kaj eble ankoraŭ pli. - Kaj (esper)eble ni sukcesos eĉ komuniki kun iu el tiuj urboj.

 

Programo

10a30

rendevuo ĉe la centra placo de Neuf-Brisach, apud la turisma oficejo

poste

eki al promenado tra la fosaĵegoj de la historia fortikaĵo kun interesaj klarigoj de Edmond

kaj en laŭeble taŭga loko pikniki
(Kunportu bonan veteron !!! kaj buterpanon aŭ kion ajn vi volas manĝi kaj trinki)

14:00      vizito de la muzeo VAUBAN en la fortigita urbopordego Belfort

poste laŭplace ni decidos, ĉu viziti muzeon pri optiko aŭ romian muzeon en apuda Biesheim
aŭ eble ie ripozi kun kafo aŭ vino

fino         kiam vi estos elĉerpitaj

 

Aliĝo kaj pliaj informoj

Aliĝo estas senkosta kaj bonvena per mallonga retletereto al: esperanto<punkto>eludwig<ĉe>orange<punkto>fr

Ni respondos vian aliĝon per sendado de poŝtelefona numero por atingi nin survoje. 


Elŝutebla: Prospekto (PDF-dosiero).

Pasintaj aranĝoj donis jenajn impresojn:

 

 

 

 

 

 

Ensaluti




Ĉu vi forgesis la detalojn?

Vizitu ankaŭ aliajn interesajn paĝarojn, ekz.

pasportaservo.org