Esperanto-tago Baden-Virtemberga
20-an de aprilo 2024 en Tübingen

Ĉi-jare la BAVELO-membrokunveno okazos en Tübingen, nome en Marquardtei. Tio estas malnova bierfareja gastejo, kiu situis sur la grandega arealo de la bierfarejo Marquardt (kiu havis grandan renomon, ĉar ĝi estis proviziisto de la virtemberga reĝo en Stutgarto). De la tuta bierfareja ensemblo nenio restis krom ĵus tiu gastejo, konstruita en la jaro 1907 (bildo dekstre). Ĝi situas en Herrenberger Str. 34, 72070 Tübingen (koordinatoj: 48.5239, 9.0472)

Post la fino de la asembleo ni komune manĝos samloke. Marquardtei nomas sin mem „akademio pri koteletoj” – oni trovas multajn laŭdojn pri ĝi –. Sed ĝi ankaŭ proponas ne-koteletajn manĝaĵojn. Eĉ vegana manĝo eblas tie.

Poste oni ĉiĉeronadas nin tra la malnova urbokerno de Tübingen ('oni' estas ano de la nove refondita Esperanto-grupo de TÜ.  Aparte aloga estos paŭzeto en Hermann-Hesse-Kabinett (La germana poeto/aŭtoro Hermann Hesse (1877-1962) tie lernis la fakon de librovendisto tie). Ĝuindaĵo por ni: ni tie aŭdos unu el liaj poemoj - kompreneble en Esperanta traduko.

Ni plue sekvos nian ĉiceronon tra la suba urbo kaj poste grimpos al la kastelo, la malnova burgo Hohentübingen. Tie, en la muzeo pri Malnovaj kulturoj troviĝas la plej aĝaj kaj – laŭ mi, UN – plej belaj artverkoj de la tuta mondo, nome la figuretoj el eburo (= el la pikdentegoj de elefantoj kaj mamutoj) trovitaj en la ŝvaba ĵuraso, pli ekzakte en Lonetal. Post la vizito de la muzeo ni povos ĉe kafo kaj kuko primediti la belan tagon.

La tempoplano:

10:30     BAVELO-asembleo en Marquardtei
poste      komuna tagmanĝo en Marquardtei

ĉ. 13:30  el al promenado tra Tübingen –
.             kun mallonga literatura paŭzo en
.             Hermann-Hesse-Kabinett –
.             grimpado al kastelo Hohentübingen –
.             kun muzeo pri antikvaj kulturoj
poste      eblas komuna kafumado

Bonvolu aliĝi (nomo, adreso, telefonnumero, retadreso). Dankon!
→  Anmeldung

La sekva mapo helpu vin trovi la lokon de Marquardtei: