Invito | Aliĝo
esperanto-bw.de/esperanto-tag
Esperanto-tago Baden-Virtemberga
29-an de marto 2025 en Böblingen
Nia ĉi-jara BAVELO-membrokunveno okazos en Böblingen, en la kvartala domo „Treff am See” (vidu la suban mapon). Post la oficiala kunveno kun baloto kaj adapto de la statuto estos mallonga prezentaĵo de Konrad Fischer (Tübingen) pri „Kiel kunlabori por havi pli allogan kaj instigan interretan memprezenton”.
Poste ni promenos iomete (300 m) al nia tagmanĝejo Platzhirsch (Postplatz 5) en la supra urbo. Tie ĉiu elektas sian preferatan manĝon laŭ la menu-karto kaj ni komune manĝas.
Poste ni promenos mallonge al la muzeo „Zehntscheuer” (Pfarrgasse 2), kiu gastigas la muzeon pri la kamparana milito 1525 (Bauernkriegsmuseum). Unu el la lastaj decidaj bataloj okazis ĉe Böblingen antaŭ ekzakte 500 jaroj.
Fine por ĉiuj, kiuj ankoraŭ havas energion kaj emon kunresti, ni proponas komunan adiaŭan kafumadon.
Tempoj kaj lokoj
10:30 Treff am See,
. membrokunveno + kurtprezentado de K.Fischer: Sprita Esperanto en interreto
12:30 tagmanĝado en Platzhirsch,
poste promenadeto (400 m) al la muzeo pri kamparanaj rivoltoj
kaj vizito de la ekspozicio
16:30 (ĉ.) eblas adiaŭa kafumado/teumado/kakaumado … (loko decidota surloke)
La gravega evento kiu okazis antaŭ ekzakte 500 jaroj – nome la kamparana rivolto – hodiaŭ estas preskaŭ forgesata.
Tamen, eĉ nur supraĵa rigardado montras multajn paralelojn al hodiaŭaj problemoj:
• la „socia tondilo” pli kaj pli malfermiĝas, t.e. la diferenco inter riĉuloj kaj malriĉuloj pli kaj pli kreskas
• pandemio disvastiĝas (tiatempe la pesto)
• klimato malboniĝas (tiatempe la temperaturo falis, fariĝis malvarme kaj la rikoltoj fariĝis malpli riĉaj)
• la grundposedantoj (eklezio kaj nobelularo) tamen insiste postulis same altajn rentojn
La kamparana rivolto antaŭ 500 jaroj estis finita en ege sanga maniero – ĉirkaŭ 60.000 kamparanoj estis mortigitaj. Espereble hodiaŭ ni sukcesos trakti niajn problemojn en pli bona, pli racia, pli homeca maniero.
Por trovi bonan solvon, ni bone studu la tiamajn erarojn kaj missolvojn kaj evitu tiujn por trovi pli bonajn hodiaŭ.
Bonvolu aliĝi (nomo, adreso, telefonnumero, retadreso). Dankon! → Aliĝo
La sekva mapo helpu vin trovi la lokon de Treff am See:
La precizaj adresoj de la unuopaj eventoj troviĝas ĉi-tie (en la BAVELO-kalendaro).
Pri la situo de la eventejoj kaj la vojo inter ili vidu tion.
Bonvolu aliĝi (nomo, adreso, telefonnumero, retadreso). Dankon!
→ Aliĝilo
