Anonco
http://esperanto-bw.de/seminario-eo

BAVELO kaj Espéranto France-Est invitas al la
 

 42a BAVELO-Seminario

Gaja aktiva semajnfino
23a - 25a Oktobro 2020
en Rottweil 

Lerni Esperanton estas plezuro, aparte en la gaja komuneco de internacia semajnfina seminario. 

Ankaŭ ĉi-aŭtune vi trovos buntan programon kun multaj kulminoj.

{ BILDO MANKAS } 

Rottweil - urbo de turoj

 


Rottweil estas la plej antikva urbo de Baden-Virtembergo, sed ĝi havas unu el la plej novaj allogaĵoj: 246 m altan turon kun la plej alta panorama platformo de Germanio. Ĝi estis konstruita de firmao Thyssenkrupp por testi liftojn. De oktobro 2017 ĝi akceptas vizitantojn.

Jam la ekstera aspekto estas interesa: ĝi estas kovrita per teksaĵo, kiu donas tute diversajn impresojn depende de la taga lumo. Ene de la turo okazas eksperimentoj pri liftoj: kelkaj liftoj povas plurope okupi la saman ŝakton. Kiel? Tion vi ekscios surloke, ĉar en la dimanĉa mateno ni esploros tion dum komuna ekskurso. Sed ne nur la liftoj estas interesaj, eĉ la konstruado de la turo mem montras plurajn rekordojn (Vi povas spekti tempoakcelitan kvarminutan filmeton pri tio: youtube.com/watch?v=j3Sk1CdVdyk).

Dum la sabata posttagmezo okazos la tradicia ekskurso: ni iros al la urbo, kiun la romianoj fondis en la jaro 73 p.K. Sed ĉi-tiu ekskurso estas aparta: ĉar ni sukcesis dungi de la urbo oficialan ĉiĉeronon, kiu rekte ESPERANTLINGVE gvidos nin tra la historia urbokerno. - Ambaŭ ekskursojn gvidos la profesia ĉiĉerono pri la urbo kaj la turo, nome Christoph Frank. Do vi jam povas antaŭĝoji kompetentan gvidadon al interesegaj vidindaĵoj.

Ĉe tiom da kulminoj ankaŭ la kursoj havu kulminojn, tial ni proponas denove la formon de Gaja Semajnfino: en la centro de la aktivadoj estu viaj interesoj kaj talentoj kaj via iniciato. Eble vi intense okupiĝas pri iu temo, ĉu historia, ĉu biologia, ĉu astrofizika, ĉu metia, ĉu medicina, ĉu ĉu ĉu ... - jen la longe atendita ŝanco paroli pri ĝi. Eble vi ŝatas muziki aŭ kanti aŭ prezenti ... Kion ajn - vi estas bonvena dividi tion kun ni.

Do, krom por la plej bazaj komencantoj la „kursoj” ne okazos en la klasika formo kun nur unu instruisto kaj la aliaj ĉiuj lernantoj, sed en formo de interkolega prezentado.

 

La aranĝo okazas en la Junulargastejo de Rottweil
DJH Jugendherberge Rottweil
Oberamteigasse 13, 78628 Rottweil
(Koordinatoj: 48,1688 N, 8,6240 E)
Tel: +49 (0) 7621 47040
rottweil.jugendherberge.de

 

Por havi impreson pri antaŭaj seminarioj, vizitu ankaŭ nian Fotogalerion.

 

Ensaluti




Ĉu vi forgesis la detalojn?

Vizitu ankaŭ aliajn interesajn paĝarojn, ekz.

kern.punkto.info