Invito | Loko | Programo | Aliĝo | Arkivo
http://esperanto-bw.de/seminario-eo
 

De ĉi-tie ni komencas niajn entreprenojn:

Feriovilaĝo Sonnenmatte

 
 
 

Sonnenmatte 51
D-72820 Sonnenbühl-Erpfingen

Tel 049 7128 92 99-0

En Ŝvaba Ĵuraso, unu el la plej belaj mezaltaj montaroj de Eŭropo, sur alteco de 800 m, situas vilaĝo Sonnenbühl-Erpfingen, renoma pro sia 'bona aero'. Kaj en tiu vilaĝo troviĝas la feriovilaĝo Sonnenmatte kun 55 feriodometoj, el kiuj ni luis kvar. Sonnenmatte estas ŝatata kiel elirpunkto por migremuloj, biciklemuloj kaj ĝenerale ekskursemuloj.

La feriodometoj taŭgegas por familioj, por memzorgantoj aŭ por homoj, kiuj prizorgas sin per manĝaĵoj el la feriovilaĝa restoracio. La granda tereno de la vilaĝeto lasas aŭtojn ekstere. Kaj ĝi provizas nin per aktivejoj por futbali, plaĝflugpilkadumi, ludi globludon (Boule), infanludejojn, kradrostejojn, fajrejojn ….

Dum sensunaj tagoj infanoj povas ludi en la endoma ludejo, krome estas libertempejo kun tablofutbalo, bilardo, tabloteniso, aer-hokeo kaj ĉambro kun vifio.

Vilaĝo Sonnenbühl (suna monteto) havas multegajn atrakciojn: kavernojn, muzeojn, amuziĝparkon, burgojn, kastelojn kaj mirindan pejzaĝon. 

 

Alveturo

La paĝo de la feriovilaĝo pri situo kaj alveturo (DE) .

Alveturo per privata  aŭto:

El Stuttgart tra Reutlingen kaj Pfullingen al Sonnenbühl-Erpfingen.
La koordinatoj de Sonnenmatte estas: 48.51614 N, 9.186348 O.

Se vi povas kunveturigi aliajn semajnfinanojn, bonvolu anonci en la aliĝilo KIOM DA liberaj lokoj vi havas. Dankon.

 

Alveturo per PPPT (Publika Proksima Person-Transporto):

La plej proksima granda trajnstacio estas Reutlingen (en distanco de 20 km. Cetere, Reutlingen mem valoras viziton).
Guglo-mapoj ne proponas ian alveturadon per trajnoj, busoj aŭ similaj, do ni  trovis vere idilian lokon por nia Gaja semajnfino, ĉu ne?! ;-) Tamen Guglo malpravas! Estas busoj de buslinio 7635 de Reutlingen al la vilaĝo Erpfingen: La finhaltejo estas "Erpfingen, Marktplatz", la haltejo plej proksima al nia feriovilaĝo estas la antaŭlasta, nome: Erpfingen Sonnenmatte. La veturado daŭras 45  minutojn.
Forveturo en Reutlingen: 15a52, 17a20, 18a20, 19a20*, 20a20*. (* = malfruaj alvenantoj anoncu tion en la aliĝilo)

Reveturo:
Nia lasta programero estas vizito de gutŝtona kaverno Bärenhöhle. Ne necesas retroveturi al Sonnenmatte, ĉar busoj rekte de Bärenhöhle veturas al la ĉefstacio de Reutlingen:
12:52 Buso 400 direkte al Reutlingen (alveno 13:43)
13:27 Buso 555 ĝis Gönningen, ŝanĝu al Buso 5 direkte al Reutlingen (alveno 14:35)

 

Mapo

 






 

Ensaluti




Ĉu vi forgesis la detalojn?

Vizitu ankaŭ aliajn interesajn paĝarojn, ekz.

eo.mondediplo.com